2006-12-28 - 9:47 a.m.
A: 你識唔識仙鳳鳴呀?
B: 唔識!
A: 咁任白呢?
B: 識(尾音仲拖得好長)~~ 任劍輝白雪仙,做大戲0個pair男女 ar ma!
A: 係兩個女人黎架.
B: ha?!唔係卦!
A: 咁識唔識雛鳳鳴呀?
B: 係咪任白個劇團呀?
A: 係佢地徒弟既劇團呀!
B: 啊!
A: 咁知唔知邊個係佢地徒弟呀?
B: 梅…咩仙…同…...咩劍咩…
A: 梅雪詩同龍劍笙呀!
B: 呀,好似係呀!
A: 有無聽過”帝女花”呀?
B: 有, 好出名.
A: 你識唔識唱呀?
B: 我都唔鍾意睇大戲既,鬼識咩?
A: 無理由唔識既,有無聽過”落花滿天閉月光”?
B: 有,呢首係人都識啦!
A: 咁你又話唔識唱帝女花?
B: 車, 鬼知呢首歌叫帝女花咩!
A: 有無聽過香夭呀?
B: 有.又係一首歌lor~
A: 識唔識唱呀?
B: 都話我唔睇大戲,點識啫?
A: 咪又係”落花滿天閉月光”lor!
B: 唔係卦?!0個首明明叫帝女花!
A: 帝女花係個劇名,香夭係其中一節…..
B: O……不過我都唔明,點解無啦啦改個咁既歌名.
A: 有咩問題?
B: “香妖”(阿B自己讀左個”腰”音)”香妖”,好似西遊記咁…
A: “香夭”喎? 你有無攪錯呀?
B: 妖怪個妖 ar ma!
A: 梗係唔係啦,兩個字都唔同讀音既.
B: 係咩?
A: 你識唔識解”香夭”架?
B: 唔識呀~
A: 知唔知”帝女花”講咩架?
B: 唔知呀~
A: 咁你知唔知邊個唱架?
B: 唔知喎.
A:……………
