2005-04-13 - 8:39 p.m.
記得上一堂古典小說, 話<水滸傳>是「首尾技接續式複合序列」, 即A既果會成為B既因。 今日我就親身體驗過差唔多既野。
因: 今朝遲起, 心諗會遲到, 兼食唔到早餐。
果: 梳洗完畢, Dion 已經放了一碗紫米粥在我枱面。
因: 一心早0的去中央lib, 點知星期三開1 點, 去到才12點多。
果: 因為時間趕, 未食lunch, 去左DeliFrance, 第一次去呢間DeliFrance, 陽光充沛, 人唔多, 服務幾好, 食完野睇書, 聽著印巴音樂, 非常舒服!
因: 去到lib, 先發現好多書都是reference, 唔可以外借, 中央勁多書「借出」, 唯有去City Hall借。
果: 突然想搭丁丁去中環, 等左兩班車, 都無去西環, 心想: 點算?! 結果上左一架去什麼電車總廠的。好彩, 都無錯到, 沿途欣賞下街景, 都幾free, 才$2!
因: 終於借完書, 但有點頭暈同倦。
果: 去左Pacific Coffee 飲野, 播左好多好熟悉既英文歌, 好relax, Latte+<西遊記> 呢個collocation都唔錯！
因: 飲完野, 諗住搭船過海, 點知又落毛毛雨, 唯有搭番MTR。
果: 行去MTR Station, 見到民主黨主席楊森(終於記得佢個名)。 經過Landmark, 見到甘國亮, 大家姐馮素波, 幾個認得樣又唔記得名既名流太太, 兩個靚仔, 一個靚女(但都是外國人)。 仲有Max & Co. display window 一套紫色衫褲, 令我耳目一新, window shop 得不知幾開心！
雖然今天用左好多時間尋尋覓覓, 但我都好開心, 因為無壓力, 好relax... 今日發現, 我喜愛銅鑼灣和中環, 但灣仔就......只喜歡駱克道和APA ^.^
